عرض مشاركة واحدة
قديم 08-06-2013, 07:28 AM   المشاركة رقم: 2
هاسوز

البيانات
هاسوز غير متواجد حالياً
التسجيل: Aug 2013
العضوية: 8978
الدولة: Saudi Arabia - Riyadh
أخر تواجد [+]
عدد النقاط: 73
هاسوز will become famous soon enough


كاتب الموضوع : هاسوز المنتدى : مملكة القصص والروايات - روايات ادبيه - قصص الحب - قصص واقعيه و حقيقية - قصص غرام
69 رد: رواية : تعالي دام الليل بدري وانتي تدرين أنك سماء ليلي وبدري / بقلمي

محمد : لا والله انه ينخاف منه …
سلطان : ماعليك منه ذا خراط على الفاضي قوموا بس رتبوا الملحق بيجون العيال
صالح : على كيف امك انت تعال
سلطان : منب ساحب عليكم بروح اجيب شيء من البقالة واجي
محمد : واسحب يا وصخ
سلطان رمى عليه يد البلاستيشن : بزارين اخر زمن ياشيخ طير بس
( صالح : ولد عمة مجد ووجد واكبر واحد بالعايل عمره 28 ، سلطان 27 ، محمد 24 )
-كالفورنيا-
مجد : فاهد بلا قرف
فاهد : تزوجيني ياخي
مجد : ما بقى الا هي
وجد : تطاقوا يالله
فاهد : سديتي نفسي
مجد : عساه دوم يارب
راكان من ورا مجد : إلا مجيد لحد يزعلها
مجد نقزت : هلا بالي له الخافق يهلي ، هلا باهلي وابوي
رائد : ما بغيت
راكان : وش اسوي ياخي كارفين ام امي الزبدة اني ميت جوع ناد القرسون
رائد : امرني وش تبي
راكان : ميا يامر عليك عدو يالحب *استهبال* نفس كل يوم
رائد : طيب " نادى القرسون وقال له"
راكان لف على مجد : وينك يالجميلة لك فقدة
وجد : من خلصت اختباراتها وهي اربع وعشرين ساعة نايمه
مج : خليني اعوض الساعات الي قضيتها ياخي وبعدين لاتنسين بنروح الرياض غثا ابوك ومرته
راكان : متى بتروحون الرياض ؟
مجد : بعد يومين ان شاء الله
رانيا : انا رحلتي بعدكم باسبوع
فدوى : انا بعد برجع جدة
مجد : انتظروني بجيكم بجدة
فدوى : جيبي ولد عمك المز معاكي
مجد : مين ؟
فدوى : هذاك الاسمراني
وجد ضحكت : قصدك محمد
فدوى : ايوه
مجد : هذا لا هذا الحيوان الفاصلل ذا مستحيل ، كنت احاكي سلطان سكايب يجي ينط في وجهه ويسوي حركات تشكين بعقله ماقدرت اسكت
راكان : ما تتغطين عنهم انتي ؟
مجد : لا ماتغطيت عنكم اتغطى عنهم
راكان : تجلسين معانا بحجابك
مجد : لا عادي اجلس معاهم بالملحق
راكان : كويس
رائد : كيف انتم عايشين

وجد : نفس الناس
راشد : ياليتكم بنات عماني بس
مجد : بايعين انفسنا ؟

" جا الاكل وكلوا وخلصوا وبعدين كل واحد راح لشقته او غرفته الي هو "

-بعد يومين-
مجد ووجد كانوا متحمسين عشانهم بيرجعون الرياض مب حباً فيها شوق لعمانها وعماتها اشتاقوا للمزرعه وبيت جدتهم وكل مكان ، بالمطار كانت مجد تنتظر وجد تجي عشان تركب الطيارة
وجد : اسفه تاخرت بس وش اسوي
مجد : مين بيستقلبنا ؟
وجد : مرتضى
مجد : طيب

ركبوا الطيارة كانت مجد عند الشباك ووجد الكرسي الي وراها جا ولد جلس جنب وجد وواحد ثاني جلس جنب مجد ، وجد تخاف من الطيارة فكانت حاطة السماعات ومشغلة الاي بود وجالسه تسمع أغاني ومجد كانت تلعب بالاي باد خرب عليها الي جنبها
مجد : ماتوا قسم بلله ماتوا
جلس يضحك
مجد : ما اتوقع في شي يضحك
ابتسم لها : شكلك متعودة تزبدين
مجد : وش عليك
ناظر نفسه : تي شيرت وبنطلون
مجد : هه هه مايضحك ما ادري مين لاعب عليك وقايل انك طارق العلي
الولد : محد لاعب علي
مجد عطته نظرة بمعنى كل تراب
الولد : وراك تنتظريني كذا
مجد سفهته وكملت لعب سحب منها الاي باد : لا تسفهين
مجد : عطني اياه
الولد : قولي عمي طلال
مجد لفت على وجد ونطلت عليها وصلة الاي باد : وجد
وجد : نعم
مجد : ابي الاي باد
وجد : مجد بلا حركات بزارين
مجد : عطيني الاي باد حقك
وجد : بالشقة
مجد : كلي تراب ياخي تكفين
وجد : وين حقك طيب
مجد : مع ذا الكائن
وجد جلست تناظرها بعدين طلعت الاي باد وعطتها …
مجد : شوقراً
وجد : عفواً
دق جوال مجد وردت : انا بالطيارة
راكان : مافي شخبارك
مجد : قبل يومين شايفتك
راكان : يومين مب دقيقتين
مجد : طيب لايجون يهزءوني الحين
راكان : مين عمك
مجد : كل تراب بس
راكان ضحك : يالله تكفين
مجد : انت
راكان : يالله انتبهي لنفسك واول ماتوصلون طمنيني
مجد : يصير خير مع السلامة
راكان : اصبري
مجد : وشو
راكان : أحبك
مجد : ياملحك وانا بعد أحبك
راكان : توصلون بالسلامة
مجد : حبيبي انت الله يسلمك
راكان : يالله مع السلامه
مجد : مع السلامه …
وجد : مين
مجد : الحب
وجد : بلا استهبال
مجد : تركي
وجد حامت كبدها : يع ياكرهي
مجد ضحكت : استهبل أخونا جاسم " وكانت قاصده تقول اخونا لأن الولد كان ناطل اذنه "
وجد : مين بيستقبلنا
مجد : ياكثر أسئلتك ياخي نامي
وجد : كلي تراب
الولد الي جنب وجد : يرحم أمكم خلاص أنتي وياها صكيتوا راسي
الي جنب مجد ضحك : كمل نومك
الي جنب وجد : أصواتهم مزعجة يخلون أحد ينام
لفت عليه مجد : نام بس نام
الي جنب وجد : يمه أنتو توأم
مجد : أحلف شكلك فاهي
الي جنب مجد : وش أساميكم
مجد : انا مجد وذي وجد
الي جنب مجد : وأنا طلال وذا عبدالمحسن
مجد : الله اسم عبدالمحسن جميل
طلال : وطلال
مجد : لا ثقيل اي واحد اسمه طلال ضحكته زي حقت الامراء وثقيل دم ويحوم الكبد وشايف نفسه
طلال : بس يرحم والديك كرهتيني باسمي
مجد : اوص بس
عبدالمحسن قام يصفر
وجد تسكر اذنها : هييه
عبدالمحسن : خير
وجد ببرائة : لا تفصر
عبدالمحسن : شوف البرائة وها سكرت فمي
وجد : شكراً
عبدالمحسن ابتسم لها ردت الابتسامة ورجعت راسها على ورا …
وجد بعد خمس دقايق مسكت بطنها وجلست تصارخ: ممججججد بططنيي
مجد كانت حاطه السماعات بس من كثر ماصوت وجد عالي سمعته عبدالمحسن نز طلال لف جلس يطالع …
مجد : وجد شفيك بطنك شفيه
وجد وهي تبكي : بطني يعورني مادري مادري مجد يعورني
مجد قامت وراحت لها : تبغين تستفرغين
وجد استفرغت على مجد طلال تقرف عبدالمحسن ارتاع …
مجد بصوت عالي : helppp
طلال قام نادا المضيفة جو ثنتين ساعدوا وجد تقوم لدورات المياه …
عبدالمحسن طلع تي شيرتين عطا مجد واحد ووجد واحد
مجد ابتسمت : لا عادي معانا ملابس
عبدالمحسن : أقول بس طلعته قبلك خذيه وتروشي لان ريحتك انتي واختك استفراغ
مجد ضحكت وخذت التي شيرتين عبدالمحسن قام غير الكرسي حقه عشان ينظفون المحل …
دخلوا وجد ومجد دورات المياه طلعت مجد شنطتهم وقدرت تغسل جسمها اول وبعدين غسلت وجد وطلعو ، وجد كانت ترنح وجا عدالمحسن وطلال يساعدون مجد جلست مجد وجلست وجد على رجلها..
مجد : ارتحتي
طلال : كل ذا الي طلع من بطنها ولا ترتاح
وجد ضحكت بالخفيف
عبدالمحسن : إن شاء الله أحسن
وجد هزت راسها بإيه
مجد : وأنا
عبدالمحسن : إنتي سكنية ماينخاف عليك
جا الطيار عندهم وكان فارس …
مجد : فارس وش تسوي
فارس : والله العظيم إني حاس أنه انتم
وجد : من وين جيت
فارس : أنا الطيار يابقرة انتي وياها
مجد : طيب وش تبي الحين
فارس : تدرين ياقليلة الادب الشره مهيب عليك لانتي ولاهي يا الكلاب الشرهه علي أنا الي جاي اتطمن عليكم " لما ركز على اشكالهم جلس يضحك "
مجد : وش الي يضحك
فارس : شكلك بالتي شيرت ذا كأنك بويه وذي خويتك
مجد : استغفر الله يوم من الايام ربي بيخسف بنا وانت السبب الزبدة هذا عبدالمحسن وهذا طلال " ناظرت طلال وعبدالحسن" هذا فارس ولد عمي
طلال وعبدالمحسن : تشرفنا
فارس : الشرف لي " ناظر مجد " اتمنى مرة تركبين بالطيارة ولا تحاكين عيال
مجد : كل تراب وورنا عرض كتافك وخر بس وخر
فارس ضرب راسها : أنتي قليلة ادب يبيلك كف يعدل وجهك يالاتشادية
مجد : الاتشادي انت يا حضرة الكابتن
وجد : حسبي الله عليكم فشلوتنا عند الناس ماغير تتطاقون كانكم توم وجيري متعب انقلع لاستفرغ عليك وانتي يا لو سمحتي امشي نرجع محلنا
مجد : سبعه صفر
فارس : كنت قاصد تفوزين
مجد : غيره يا ابوي صار قديم
وجد : اوه يالكشخه انتي فزتي عليه بفيفا واوه يالكشخه انت طيار ترانا مب فالبيت " ناظرت طلال وعبدالمحسن" تراهم اربع وعشرين ساعة كذا
عبدالمحسن ابتسم : لاعادي …


- هذا الي قدرت اكتبه اليوم أتمنى أنكم تعطوني وجه وشكراً
















من مواضيع هاسوز
عرض البوم صور هاسوز رد مع اقتباس