منتديات ساحرة الأجفان

العودة   منتديات ساحرة الأجفان > ..:: المحبــة ::.. > مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2018

الملاحظات

مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2018 مملكة الأطباق الساخنة والشعبية ,اكلات ساخنة ,حلويات ,عصائر , وجبات سريعة , مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2018

أخطآء مطبخيه .. هلمو بسدح هبهباتكم ..~

مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2018

إضافة رد
 
أدوات الموضوع إبحث في الموضوع انواع عرض الموضوع
قديم 07-22-2015, 05:30 AM   #1
angle girl
افتراضي أخطآء مطبخيه .. هلمو بسدح هبهباتكم ..~


أخطآء مطبخيه .. هلمو بسدح هبهباتكم ..~





. . مدخل..~



لمآ تفوكـ .. خش خش .. خشتكـ مآحتصوكـ





. . زبدة الموضوع :-

طبعاً كل منآ لآبد وانه مهبب مصيبه يوماً مآ
وموضوعي مبين من عنوآنو
انا حددت موقع الجريمه --> المطبخ
وعليكم بسدح الجرآيم كل ابوهآ ولا يهون جدها
ومو شرط بس جرايم الطبخ
اسدحو اي جريمه جرت أحداثها بالمطبخ
مثل جريمتي في -الخبيصه ( 3 )-
وهذي بعض الخبابيص


. . الخبيصه ( 1) :-

طال عمركم هذي سالفتي انا وبنت عمو ..
ذآك اليوم انفصل النت وجلسنآ طفشآنين ماندري شنسوي
قلنا خل نروح نبربس بالمطبخ كود يطلع معنا شي سنع ونكبر بعيون امي ةدوابوي وعمي وزوجته <~ غاسلين ايدينهم من سناعتنا
المهم ونروح ونقلب بكتب الطبخ
لين قرقرنآ نسوي ( موكآ + سينآبون )
المهم سبحان الله بقدرة قآدر ضبطنآ الموكآ وطللللللع يهوووووبل وقسمن اطلق من حق ستآربكس وطخته
هنآ عآد انتفخت روسنآ بالحيل
وقلنآ يلآ نسوي السينآبون
المهم من ضمن المقآدير كآنت ( القرفه )
ونحوس بالمطبخ ندور القرفه وينهي
وكنآ بآخر الليل حول الفجر وكلن نآيم يعني مايمدي نسأل امي
المهم رحت للاختي صحيتها وسألتها وقالت تلقونها في علبه بالدولاب فوق
المهم رحت المطبخ وادور في العلب وحده وحده
طبعاً هي قالتلي انو القرفه مطحونه
وانا ذاكـ اليوم كنت مزكمه ما اشم
وبنت عمي ماتعرف القرفه خير شر لآشكلاً ولآ رآئحه <~ يالله ان تخلف على بنات هالوقت <~ اص شف من يتكلم عآد
المهم ويجي عمي <~ يقاله المنقذ
واوريه قلتله شم هذي قرفه؟
قال ايه
قلت اكييييد؟
قال ايه
قلنا تيب
المهم ونجيب العجينه ونرش عليها قرفه ونلف السينابونات ونحط بالصينيه
مادرينا الا درررردب طآحت الصينيه بالارض ونص السينابونات توصخت <~ والله من الرفاله
المهم انقذنا ماتبقى من السينابون ونحوطه بالفرن
يوم خلص ونطلعه وانبسطنا على هالانجاز
بس كان عيبه الوحيد انه يابس شوي
بس ميخآلف أول تجربه مب شرط تصير توب
المهم يوم صار من بكرى
كان باقي من السينابون وجت امي وابوي و عمي واكلت منه واكلو منه كلهم
ومدحوه وما امدانا ننفخ روسنا عليهم
الا وتجي اختي وتكب عشانا
جايه وماسكه العلبه اللي حطينا منها
وتقول : انتوا حطايتوا من هذااااا ؟!!!!
قلنا : ايه
وفككككككت ضحك علينا
قلنا : ليه شفيه؟
قالت : هذااااا مو قرررررررفه
قلنا : اجل وش
قالت : هذااااااا مسمنه حق جريش

وعاااااااد حدث ولا حرج من الاستقعاد
قامو يضحكوووون علينا صرنا مطنزه لهم
قالو اجل مسمنة جريش حاطينها بالسينابون هااااا
عاد يقالنا بنرقع حنا قلنا كله واحد اهم شي انها حآليه وينوكل ابد كلش يروح للبطن ترى
وبث هذي سالفتي اللي ما انساها مع المطبخ


. . الخبيصه (2) :-

سلمكم الله هذا ولد عمتي
( واحد من شلتنا على ايام السوابق الطفوليه )
المهم كنا مواصلين للصبح
الولد تطوع من نفسه قال بصلح لكم احلى فطور
ويروح يحوس بالمطبخ ويحط البيض بالمقلى ع النار
ويجي عندنا ويتكي معنا <~ الظاهر ناويها بيض مشوي
طبعاً حنا ماندري وش هو مهبب الا يوم شفنا هالدخاخين دخلت علينا بالصاله وانكتمنااا
طبعاً توه تفطن الاخ انو فيه شي ع النار وينط ع المطبخ ويهفهف ع المقلى <~ الله يرحمه انشوى
طبعاً ماتفرقون بين البيض والمقلى كلهن سود
رمى المقلى بكبره بالزباله من الروعه
وقام يراكض بالبيت يفتح الدرايش والمراوح <~ خايف يصحى ابوهـ ويجيه تمحيط
بس اشوى محد صحى وعدت سليمه


. . الخبيصه (3) :-
هذي الله يسلمكم وحده" الله يذكرها بالخير" اكيد عرفتوها مايحتاج
<~
يوم انها بابتدائي
فجأتن اشتهت تولع ورقه
طبعاً مالقت ولاعه عشان تروح تولع الورقه بالحوش وتتفرج عليها
فـ وش سوت..؟
قالت مالي الا اني اولعها بالمطبخ من الفرن واركض اروح للحوش
عاد الورقه حقت دفتر ابو 40 يعني مامن كبر
المهم ولعت الورقه مامداها تمشي خطوتين الا النار ماكله نص الورقه
من الروعه رمت الورقه بزبالة المطبخ الكبيره "وانتو بكرامه"
وووووووووللللللللللللللللعت الزباااااااله بكبرها والنار شوي توصل للسقف
والمشكله انو الزباله قريبه من دبة الغآز <~ ربي ستر
وتروح الذكية تاخذ كاس وتعبيه مويه وتكب بالزباله وتعبي وتكب <~ وش يسوي الكاس يالخبله عند هالحريقه
المهم مالكم بالطويله
يوم شافت ان الوضع مايستحملش اي تكتم
طارت تصحي اختها و اختي ماقصرت سوت هلييييييله وجا الوالد
ويعبون السطول ويكبون لين الحمدلله خمدت النار وخمدت رنووش من الروعه ماتبي يجيها هوش


. . الخبيصه (4) :-

هالموقف حكته لي وحده عن اخوها
تقول صحى الاخ نص الليل جوعان ومافيه احد صاحي ولافيه اكل تيب
الاخ قرقر يجتهد من نفسه ويطبخ كبسه <~ مسكات توالي الليل والجوع شين
المهم ويشمر عن ذرعانه ويجيب القدر الكاتم ويطبخ عليه ويروح ويخليه
هف هفه طويله نوعاً ما لين ماسمع صوت انفجار
راح المطبخ لقآه كبسه
الرز متناثر في كل بقعه
اهله اول ماصحو من الفجعه يوم راحو المطبخ بس شافو الشكل فكو ضحك عليه


. . خفوقيين الكرآم :-

شآركونآ مآيحضركم من هبهبات وخبيصآت
آملين من المولى عز وجل ان يقيكم شر الهبايب في أي مكآن وزمآن



. . مخرج..~


جربوهـ .. عليّآ الطلآق حتدمنوهـ <~ اشوى انك ما تسوقين بس
((




angle girl متواجد حالياً   رد مع اقتباس
قديم 07-22-2015, 06:59 AM   #2
عاشق الهدوء
عضو مميز
 
تاريخ التسجيل: Dec 2014
المشاركات: 6,968
معدل تقييم المستوى: 14
عاشق الهدوء has a spectacular aura aboutعاشق الهدوء has a spectacular aura about
افتراضي

ههههههههههههههههههههههههههه


جرائم ختيره بس لاسف ما على باللي شي اذا تذكرت ارجع

واحط والفكره جونان
عاشق الهدوء غير متواجد حالياً   رد مع اقتباس
قديم 07-23-2015, 10:13 AM   #4
angle girl
افتراضي

اقتباس:
المشاركة الأصلية كتبت بواسطة عاشق الهدوء عزيزى العضو \ الزائر لايمكنك مشاهده الروابط الا بعد الرد
ههههههههههههههههههههههههههه

جرائم ختيره بس لاسف ما على باللي شي اذا تذكرت ارجع

واحط والفكره جونان

كل الشكر لك ولهذا المرور الجميل
الله يعطيك العافيه يارب
خالص مودتي لك
angle girl متواجد حالياً   رد مع اقتباس
قديم 09-04-2015, 08:29 PM   #5
angle girl
افتراضي

اقتباس:
المشاركة الأصلية كتبت بواسطة Just Smile عزيزى العضو \ الزائر لايمكنك مشاهده الروابط الا بعد الرد
ههههههههههههههههه

يسلموو رنا
دووم الضحكة

كل الشكر لك ولهذا المرور الجميل
angle girl متواجد حالياً   رد مع اقتباس
قديم 09-04-2015, 09:02 PM   #6
angle girl
افتراضي



رجعنا بس بخبيصة جديدة ههههههههههههههه
تقدرون تقولون كل دخلة مطبخ بخبصه

هذا الله يسلمكم مرة من المراير جعت انا و اختي باخر الليل و مسكت معنا نسوي برجر منزلي

المهم هي الصغيرة و طبعا ما تعرف تقلي و انا مسويه فيها الكبيرة < من جنبها
رحت طلعت البرجر من الفريزر و قلت يالله انا بقليه وانتي جهزي الخبز و الكتشب و اللزي منو
حطيت الزيت بالمقلايه لين صار حار مرة

و البرجر فيه ثلج يعني ( مويه و زيت يا سلااااااام)

و حطيته و تقب النار فيني قسم بالله تجبست بمكاني


وصلت للسقف النار و قسم اختي حطت رجلها راحت تقوم امي بس اشوى انا من الخرعه ما قدرت انحاش و طفيت النار < سويت خير

و هبطت النار و طفت تدريجيا .. طبعا مقدر اطفيها بمويه والا صارت علوم

و أُصبت باصابات طفيفه و حرمت أقلي بعدها


ذي وحده من هبهباتي
angle girl متواجد حالياً   رد مع اقتباس
قديم 08-21-2017, 03:26 PM   #7
angle girl
افتراضي رد: أخطآء مطبخيه .. هلمو بسدح هبهباتكم ..~

شسمه ع طآري الخبيصآت عندي خبيصه بس لحد يزحك

من ايام الثانوية هههههههه تقريباً ..

مدري وش الطآري علي وأشتيهت اسوي حلا

المهم كنت بسوي تشيز كيك بالكوفي

ومن ضمن المقآدير بهذاكو الموقع الحقرور

3 ملاعق حليب وكوفي

وانا الي احط الحليب واصب 3 ملاعق كبيرات كوفي

واشوف الخلطه كنها سودا مره

بس قلت يابنت عاتي يمكن بعدين تتماسك وتصير بطله <-- ع نيآتها رنوش
وشسمه خلصت من حلاي وجيت بطلعه وبرضو مره أسمر مو بالعاده

جآني احساس ثاني قلت يله بس عاتي يمكن يصير طعمه حلو

وادّهر اسوي قهوه وكيذا واصحي اهلي حياكم ع القهوه وكذا


وابدا اقص الحلى واعطيهم اول واحد ابوي

ذآقها وسكت ماقال شي <-- ياحياتي مايبي يحرجني

وبدأ أخوي الشرير

قال وش ذا مررررررررررر وش انتي حاطه وكيذا

ومسكها علي ضحك

عاد امي حست ان فيه شي وذاقته وانفجعت وشوووو كثرتي نسكافيه

تقول والله ظنيت انكِ حآطه شوكليت ع هاللون

عاد شسمه تفشلت ودمعت عيوني وانا عندهم :qb716713:

وقمت من عندهم اصيح وامسح دموعآتي < يلله حصل خير

بس هذا مآفي جعبتي الآن


..
angle girl متواجد حالياً   رد مع اقتباس
قديم 11-07-2017, 12:33 AM   #8
قلب الشجاع
عضو جديد
 
تاريخ التسجيل: Nov 2017
المشاركات: 2
معدل تقييم المستوى: 0
قلب الشجاع will become famous soon enough
افتراضي رد: أخطآء مطبخيه .. هلمو بسدح هبهباتكم ..~

شكرا لك, وبارك الله فيك
قلب الشجاع غير متواجد حالياً   رد مع اقتباس
إضافة رد

الكلمات الدلالية (Tags)
.., ..~, آخطآء, مطبخيه, تسدح, هلمن, هبهباتكم


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 11:34 PM



SEO by FiraSEO v3.2 .
Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

هذا الموقع يستعمل منتجات MARCO1

شات دردشة تعب قلبي - شات كتابي- شات دردشة الشلة - دردشة كتابية- دردشة الخليج - شات كتابي خليجي- شات دردشة الرياض الصوتية - شات سعودي- شات-