العودة   منتديات ساحرة الأجفان > ..:: البــدآيــة ::.. > قسم جرائم _ حوادث _ اخبار فلسطين - اخبار مصر - اخبار تونس-اخبار محلية وعالمية 2017 > مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية

الملاحظات

مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية مملكة القضية الفلسطينية, قضايا , صور فلسطينية , صور من فلسطين , صور شهداء فلسطين , صور مدن فلسطين ,اناشيد فتح , اناشيد حماس , اناشيد ثورية , اناشيد الثورة الفلسطينية , صور الشهداء , صور ابو عمار , صور احمد ياسين , مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية

يرحم ايام زمان أكبرنا مساحه خاصه ل ستي وستك

مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية

إضافة رد
 
أدوات الموضوع إبحث في الموضوع انواع عرض الموضوع
قديم 01-08-2012, 12:41 PM   المشاركة رقم: 1
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي يرحم ايام زمان أكبرنا مساحه خاصه ل ستي وستك

هي حكاية ستي وستك خطرت في بالي

مساحة خاصه بزمن راح وما عاد رجع مساحه خاصه بلهجة فلسطينية اصيله غير مصطنعه

حكايات بنسمعها كتيررر ع لسان ستي وستك

ولأني بحب بلدي حبيت ادرجلكم هلموضوع

تابعوني يوميا واللي مش حيتابعني أكيد أكيد حيخسر

حكايه من ستي وستك

تابعوني


عزيزى العضو \ الزائر لايمكنك مشاهده الروابط الا بعد الرد



عزيزى العضو \ الزائر لايمكنك مشاهده الروابط الا بعد الرد


الزمان : في يوم من الأيام .
المكان : في المتحف الشعبي .
المناسبة : الحنين إلى الماضي ، إلى الحياة بلا زيف أو رتوش .في يوم من الأيام ،
بعد ما شبعنا وحسينا بالترف والتخمة ،
وصرنا نتمرمغ في النعمه ، وصارت الحياه أماني وأحلام ،
وقالوا الدنيا تطوَّرَت كثير ،وصارت الحياه كمبيوتر ، كل إشي فيها أرقام .
رُحِت عَ المتحف الشعبي ، أطفي شوق شعلب في قلبي ،
أدَوِّر عَ حالي ، تحط إيدي عَ أوجاعي ،
بلكي الدوا في غبّرَة الماضي ،
يا ما لاقوا الذهب ، في الوحل والسخام .
وقفت قدام صوره ، مزينه بالعز والافتخار ،
صبيه فلاَّحه بثوب مطرز ،




عزيزى العضو \ الزائر لايمكنك مشاهده الروابط الا بعد الرد


عَ راسها قذله مدندشه بريالات ، نازله تعبي ميه ،

حامله عَ راسها جرّة فخار،

وقفت قدامها زمن ،

طويل ؟ ..قصير ؟ .. ، ما بعرف كيف لف ودار !!

ظليت أستنى تحاكيني ،

بكلمه ... ، بحرف... ، بهمسه... ،

تعبت وأنا استنى ، ونسيت إنها اللي قدامي ،

شقفة حجر ملبسه بثوب مطرز ، وجرة فخار ،

صنم واقف ، ما فيه حياه ، كأنه بقول :

أنا الماضي ، أنا الزمن الغابر ، أنا تراب وحّجار .

*****

يا حامله الجرّه شفتك في المتحف الشعبي ،

مثل القمره ، محبوسه مثل الكنار ،

آخ يا قلب من ها لدنيا ، ضاقت عليك هلقدِ !!


وصرت شقفة آثار !!

وصرت لمّا أشتاق أشوفك ،

أدفع بريزه ، واندحش بين الزوّار ،

زغرتي يمه !!!

صرنا ندفع مصاري ، ونتفرَّج عً الفخار !!

عَ صبيه مثل القمر ، صارت حلم بعيد ،

حلم بيناتنا وبينه فيلفي وقفار ،

قلب بحن لمّبَارح ،

شوق بهب فيه ، لهب ، جمر ونار ،

ساق الله يا يمه لما بقى زمان وبقينا زغار ،



ساق الله عَ أيام الخبيزه والزعتر ،

وفتة عدس ، وصحن رصيص وبصل قنّار ،

وحلم مثل الضوّ يحيي جوّاتنا أمل ،

وميجنا وعتابا وسحجة سُّمّار ،

وشربة ميه مثل البوزه من إبريق الفخَّار ،

ومثاغاة الغنم مرّوحه من المرعى

والمرياع ملزق بالحمار .

ساق الله يا يمه قبل ما صرنا أفنديه ،

عزيزى العضو \ الزائر لايمكنك مشاهده الروابط الا بعد الرد



وصار كل إشي يجينا في المواسير ،

وبكبسة زر بنظوي الدار ،

ساق الله يوم بقينا نزرع ونقلع ،

والشلن بقى أبرك من الدينار .

بقت الدنيا دنيا ، والناس ناس ،

والحب مثل لهبة النار .


عزيزى العضو \ الزائر لايمكنك مشاهده الروابط الا بعد الرد


صار الحب مصالح ، وصار السلام مصالح ،

وبطل الجار يعرف الجار ،

يا أسفي عَ الدنيا يا صبيه ،

يا واقفه في المتحف ، حاطّه عَ راسك جرّة فخار ،

دنيا صار الإنسان رخيص ، صار العرض ما بيسوى

وصار متخلف ورجعي اللي بعرف العيب وبغار ،

صارت الحياه قرش ، معك قرش بتسوى قرش ،

ما معك روح إندّار .

*****

عزيزى العضو \ الزائر لايمكنك مشاهده الروابط الا بعد الرد

يا حامله الجره شفتك في المتحف الشعبي ،

مثل القمره محبوسه مثل الكنار ،

سمعت صوت بقطم بلحمي ، بحز عظمي بمنشار ،

اشتقت أشوفك برّات المتحف ،

إشتقت أشوفك عَ طريق العين ،بتتمايلي مثل عود الند ،

كلك دلال ورقه ، كلك حلاوه وبساطه ،

مثل ورق الدفتر لِبْيَض ، ما فيك عُقَد ولا أسرار،

شوفة وجهك بتبعث الأمل بقلب كبر الحزن فيه ،



بحلم بشمة ريحانه ، بشوفة حنّونه ،

عَ وجه الأرض ، مثل دم الزغلول ،

بلعب الهوا فيها ، مرّه يمين بتميل ، ومرّه يسار ،

بقلب يحلم مرَه يضحك ، بفرح مثل النبع يفيض فيه ،

يحس الفرح ولو مرّه ، من غير مجامله ،

بس الفرح !!!! يا كشل عَ الفرح !!!

صار مثل الذهب وزن وعيار ،

وبطل يتلاقى في السوق ،

الظاهر صاروا يخبوه التجار ،

ليوم يموت الفرح ، ويشيعوه بطبله ومزمار .

******

يا حامله الجره مثل تاج الذهب ، وصارت الجره عجبة الزمان ،

وكان يا ما كان ، في غابر الدهر والزمان ،

بنيه مثل القمر ، مثل الشمعدان ،

بقت تمشور عَ طريق العين ، تعبي ميه ، تشرح القلب ،

بالثوب لمطرز ، بالأساور والتراكي والكردان ،

والقذله ونيرات العثملي ، ذهب وفضه ، مثل صف العسكر ،

مصفوفه عَ راسها من هان وهان .

بقت تقول للقمر : يا قمر ، انزل تقعد مطرحك ،

صير إنت أنا ، وأنا قمر الزمان ، خلي العشاق يحلفوا فيَّ ،

آخ .... واه... يا بيّاخ !!!

أسفي عً أيامك يا بنيه اللي راحت ، وقلعوا شروشك ،

مثل الزيتونه الروميه اللي بقت مزروعه باب الدار ،

وحطوك في المتحف الشعبي ، يتفرّجوا عليك الزوار ،

يدفعوا بريزه ممسوحه ،



عزيزى العضو \ الزائر لايمكنك مشاهده الروابط الا بعد الرد



تيعيشوا لحظه مع الحب ، مع الزمن اللي مضى

مع العمر اللي انفنى ، يوم بقى عنا صبايا ،

يوردن عَ العين يملين ميه ، حاملات جرار الفخار
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-08-2012, 12:42 PM   المشاركة رقم: 2
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي

وين ايامك يا ستي
وين ايامك يا ستى
لما بقيتي تحملي العقدة وتروحي عالبيارة عند سيدي
وايام الحصاد تغني للحصيد والمغرب لمن تتجمع الحبايب
تغنى وسيدي يغني اوووف ويكيف على غناكي يا حلوة يا ستي
واقعد على الحصيرة وعجينة اعمليلي مع مكنوشة الزيت والزعتر وكباية شاي واندهيلي تكيف عليها
وبتذكر يا ستي وبتذكر يا ستي لما بقيتي تلاقينا في الحارة واحنا نلعب في الرمل وانغني
وتقولي يا بقبق عين ستو يا بقبق عين ستو اوعا الرمل ييجي على راسك وعينتك

واه يا ستي واه يا ستى محلى زمان وحكيى زمان وسالفة زمان
وايام الولية وابو اجرين مسلوخة والشتوية والعلية يرحم ايامك يا ستى


--------------------------
سيدي وصّى بيي وبيي .. بيي وصّاني
وصفلي عنوان الدار .. بحكاية وأغاني
حلفني برب السما .. أصون الأمانة
مفتاح بيتي بيافا .. أمنّي وأعطاني
وصاني وقلي يا سيدي لا تنسوا فلسطين
حق العودة حق مقدس .. لو طالت السنين
خلي صوتك يعلى ينادي في بيوت اللاجئين
خاين كل من ساوم خاين .. لديني وأوطاني
--------------------------
خذي مني يا ستي عهد ما ينطال
خذي مني يا ستي عهد ما ينطال
امانتك بالدم تسري
ننساها ....ننساها
يا ستي محال
والله يا ستي عهد الله ياستي
لو بنو لي من الذهب القصور فوق التلال
وزرعوا الزمرد دوالي
باشكال ما تخطر على بال
وجابوا من الحرير الوانوا على مية جمل مع مية جمال
ما تساوي دعست رجلك يا ستي عشط يافا فوق الرمال.
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-08-2012, 12:42 PM   المشاركة رقم: 3
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي

حكاية من حكايا ستي الفلسطينية
قصة ليلى والذئب بالفلسطيني

السلام عليكم يا ولادي ان شاء الله انكم بخير ، ترى جايبتلكم كصة بكيت اخرفها لاولاد الكرية لما بكينا نروح من الحصيدة وكت المغرب ، ايام ما كنا في عين حوظ اكيد سمعتوا عنها يا احبابي الله يخليلكم امياتكم ويعلي مراتبكم يارب ...



كان يا مكان في كديم الزمان وكبل اسبوع زمان ،، بنت صغيرة اسمها ليلى الله يخليها لامها ، شو بدكم بالسيرة كانت تحب تلبس إلون لِحمر الغامك وكانت تبين مثل الكمر وجمالها بكهر الصخر ...

المهم صحيت في يوم من هالايام الصبح وكالت لامها بدي اروح الكط خبيزة وعوينة علشان نعمل كراص ونطعم ستي ، كالتلها امها الله يرظى عليكي روحي ودير بالك بكولوا في ذيب تشبير بخوف وسنانه هالكد تشبار ، ها يمى مش تروحي على الحرش ترى بوكلك وما بندري عنك اوعك ... بدي تنتبهي الله يرظى عليكي ....

البنت طلعت وراحت عالحرش ونسيت شو كالتلها امها وفجأة طلعها ذيب تشبير لونه اسود وبخوف تشثير تشثير اتشثر من الظبع ... البنت ما بتعرف شكله لما شافته كالت عنه جرو ... وما اهتمت وصارت تلكط خبيزة وعوينة وتغني اغاني زمان طيري طيري يا عصفورة انا متلك حلوة صيغورة ... ولهو الذيب نط كبالها وصار يهمر ويشبر والبنت تفرخ وتصيح يمى يمى وك ابعد .. ساعدوني ساعدوني ...

سمعها عمها ابو العبد كان مارك بالصدفة جنب الحرش وكان معاه طورية هجم على الذيب وطخه رصاصتين ووقع الذيب مخنوق ومات ...


وتوته توته وخلصت الحتوته وكوموا ناموا يا ولاد ...
عزيزى العضو \ الزائر لايمكنك مشاهده الروابط الا بعد الرد
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-08-2012, 12:43 PM   المشاركة رقم: 4
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي

أنا حفيدك يا سيدي ،اللي تربيت عَ ذراعك ،
وحييت عَ أخلاقك المعهوده
أنا حفيدك يا سيدي اللي شربتك مثل الندى ،
و عَ إيدك مصيت الحليب من بوز الباروده !!!
أنا حفيدك يا سيدي ، اللي ربتني ستي عَ أمجادك العاليه ،
وخطوط فدانك عَ الوطاه تلوم مشهوده
أمجادك يا سيدي بعدك ، مهما قزّموها بتتطاول ،
وبتظل في الذاكره محفوظه ومحموده
ومهما عادوا تراث شعبنا اللي مسلع بالصخر والصفاه
ومهما نصبوا أخلاقنا عَ المشانق ، بتظلها موجوده
وبنصحى عَ صرخة الحق ، من غفوة الموت ، وبنفج مثل الفجر
حتى لو بقت منيمه عَ جنبها ، وبالخوصه مملوده
أمجادك يا سيدي بتطاول الشمس ، وسيرة ذكرها عالي
بتلاقيها عَ كل شفّه ولسان ، قصه مسروده
***************
أنا حفيدك يا سيدي اللي حب الأرض مثلك ،
اللي نهل من مناهل علمك ،
اللي رجد سنين عمرك المحصوده
وخباها في خوابي وكواير قلبه ذخيره لكل جيل
مونه للعمر وسند لسنين المحل السوده
**************
آآآه يا سيدي لو تدري شو صار من بعدك أهوال ..!!!!!
الموارس خربت ، وانتشرت في المونه الدوده
وبيوت العقد اللي خابرها كوّعت ، وصارت مهدوده
والسهول اللي بقت ذخيرة العمر انزرعت فلل وقصور
وما عادت طوابير الحمير محمله بغمور القمح المرجوده
وما عادت عنا بيادر تتنافس عليها الصرابات ،
قبل ما تنمد للطرحه مفروده
وما عادت المذاري تزغلى الطرحه اللي طابت لفوق ،
كل ما طاب هواها ، مثل أيامك المعهوده
**************
قلبي تعب يا سيدي ، وامتلت جروحي قيح ،
يا مين يداوي القلب ، وينعش دقاته المكدوده
هدنا الزمن يا سيدي من بعدك ، ونشفت مدامع ستي قد ما ذرفت
ونور الصبر والأنتظار لهفه وشوق ،
وتنثورت آمال الحلم مردوده
أنا بحبك يا سيدي ، يا فارس الخيل ، ودواس عتمة الليل ،

واتمنى لو ظليت وابقى ركاب حصانك الأدهم
اتمرمغ في تراب أمجادك المعهوده
*************
أنا حفيدك يا سيدي ، اللي قص آثار مجدك عَ التلوم ،
وشاف صورة وجهك الي عَ الجهير بعدها موجوده
أنا حفيدك يا سيدي اللي ما برضى الظلم والضيم ،
وبحارب جيوش الجور اللي عَ سنين عمرك محشوده
ومثل الذيب ما بطلع من العركه مهما جرى ،
قاتل مقتول ، مهما النتيجه تبقى مقصوده
أنا حفيدك يا سيدي ، ويا ريت قدرت أحمي أمجادك اللي بادت ..!!!
اللي هرّت مثل الدمع بعد ما سادت
وما عادت أجيال بعد جيلك مولوده ..!!!
تقرأ بلهجة أهل سنجل
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-08-2012, 12:44 PM   المشاركة رقم: 5
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي

شوف يا ستي .. الدنيا إلها وجهين كبار ، دشرك من الوجوه الزغيره اللي بتفقس من هون وهناك ، وجه قباله وجه امخالفه ، مثل القرش ، كل وجه عليه كتابه غير اللي على الوجه الثاني ، بس الوجهين وجهين لقرش واحد...!!
قديش واحد بسم الله ما شاء الله عليه وعلى اللي حواليه ، خلّف واحد ما بسوى ملا ذانه بزاقه..!! ، وهذي إرادة ربنا سبحانه وتعالى ، ورده بتخلف شوكه ، وشوكه بتخلف ورده ، أو بقولوا مرّات (قرده خلفت ورده)...!!!
وقديش واحد غانم محترم وجيه خلّف ولد داشر هامل ، ساقط ، وهون بنقول : (نار وخلّفَت رماد) وبنقول (جمل وخلّف بعره)....!!!
وقديش واحد ما بسوى في سوق الزلام إشي خلّف ولد من أحسن الأولاد ، وقديش واحد قد الحيط ، بس في صدره قلب أرنب ، خويفه خُرَّعَه ، وأبوه بقى فارس ، وواحد ببقى مثل الريشه ، الهوا بطيره ، وبتلاقيه بطل صنديد ، وعندك مثال أبو السرهد وابو جلده اللي أقلقوا حياة الأنجليز ، ويوم أعدموا أبو جلده بقى يوم عيد عندهم ....!!!

وقديش بتشوف وحده بتحل عن حبل المشنقه من جمالها وحلاها ، بس بتلاقي روحها وظلها أثقل من بعضهم ، دمها ما بنزل من كربال الفول لزناخته...!!
وفي المقابل بتلاقي مجعلكه شحبوره بتدحدل قدامك مثل البرميل ، بس بتلاقي دمها خفيف ، وبتلاقيها قد ما هي دفشه نِغشه ، ومعشرها حلو ، وأي مجلس بتقعد فيه بتنشر فيه البهجه والسرور ، وما بتحب تفارقه ولا تقوم منه...!!!
وقديش يا ستي بتلاقي واحد مثل مطرق الرمان ، حقود حسود ، ظلوم غشوم النقطه من دمه بتسمم بلد ، وواحد بس يوقع نظرك عليه بتزدريه عينك وبكتم على نفسك اللي بتغيم عليك مثل نفس الوحمى ، بس ببقى طيب ، وقلبه أبيض ، ومعشره حلو ، ومجرد ما قعدت معه ذاب في قلبك مثل السكر وحبيته من كل مجامع قلبك...!!!
هذول يا ستي بَرّاهم غير جوّاهم ، واذا حكمنا على برّاهم بدون جوّاهم ، أو جوّاهم من دون برّاهم ، يا إما بنظلمهم ، يا بنعطيهم أكثر من حقهم ، وفي الحالتين ظلمناهم ...!!!
النَوَّر كلهم طبالين وزمارين ، وجايز يطلع منهم خطيب متعلم ، وما إلو علاقه لا بالرقص ولا بالطبل ولا بالزمِر، ويطلع ابن اللي تربى في بيوت العلم والحكمه تبع (هِشتِك بشتِك)..!
قديش جوهره ثمينه بتلاقيها في مزبله معفنه ، وبنت حرّه شريفه ، في بيت قايم على قلة الحيا والرزاله ، وقديش جوهره مغشوشه معلقه في صدر محل صايغ ، وبنت الله يستر على ولاياه ، في بيت كرم وأخلاق عاليه ...!!!
قديش حرامي بطلع له ولد أو أكثر شرطه بلاحقوا المجرمين والحراميه وبحطوا الصرامي العتيقه في ثمامهم ، وقديش عفيف شريف بطلع له ولد حرامي ....!!
وقالوا في المثل (بخلق من الفسيخ شراب ، وبتطلع النوّاره من الزباله) وقال المثل (البيضه البيضا بتبيضها الجاجه السودا) ...!!!
هذي الدنيا وهذا جزء من وجوهها، وكل انسان مسؤول عن سلوكه ، ومش مطلوب منه انه ينسأل عن سلوك غيره، لأنها يا ستي (كل شاه معلقه من عرقوبها)...!!!
إنت مطلوب منك تتربى مليح وترَبي مليح ، قدر طاقتك ، واذا عندك ولد منحرف ، والإنحراف رح يسيطر عليه لمّا يجنح فيه ...!!!
بس يا ستي بدك اتدير بالك ، وتراعي أحوالك ، وتحط مخافة ربك بين عنيك ، وانا حسب خبرتي واللي شفته في الحياه ، صارت عندي قناعة إنه الإشي اللي تربى البني آدم عليه ، لا بُد وانه يشده في يوم من الأيام ... فلا تيأس يا ستي وعمر السامعين يطول ، وخلي ثقتك برب العالمين كبيره وعاليه ....،
وسلامة فهمك يا ستي ،
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-08-2012, 12:44 PM   المشاركة رقم: 6
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي

عنا اليوم تنين سيد وسيد ,,عم بيخرفو ببعض وبتحاورو وبيتناقشو ,,, لأخر النزلة

بس حكيهم عجبني حبيت تتفرجو معي عهالتنين النهفات


أبو فلسطين :ألي مكتوب على الجبين بشوفه العين يا اخوي


أبو سعود : دخلك يا أبو فلسطين اشو آخر الأخبار؟

أبو فلسطين: شو بتتوقع يعني.. "أتبدلت غزلانها بقرود".

أبو سعود: مفهمتك ؟

أبو فلسطين: يعني بصراحة أعطوهم الثقة وهم ما يستحقوها خاصة هذا اللي "أجا ونام عنا ليلة وساوى حاله من العيلة"!!

أبو سعود: مش هيك ألحكي يا أبو فلسطين والزلمة لسه "ما بنعرف خيره من شره".

أبو فلسطين: أي والله لو"حبسوه مع ابليس في كيس بطلع ابليس يستغيث" هذا "زي البرد سبب كل علة".

أبو سعود: لـه يا زلمة "الحيطان الها ودان" "احنا بنمشي الحيط الحيط وبنقول يارب السترة".


أبو فلسطين: ولليش الخوف؟ أي والله " الساكت عن الحق زي الناطق في الباطل". بعدين اشو اللي بدو يصير؟ "مابصير اكثر من اللي صار" ، والمثل بيقول "النعجة المذبوحة ما يوجعهاش السلخ"..

أبو سعود: يازلمة "مش كل اللي بنعرف بنقال".

أبو فلسطين: بصراحة يا أبو سعود "اللي بعمل حاله نخالة تنقه الجاج" واللي قاعد بصير ما بينسكت عليه..


أبو سعود: شوف يا أبو فلسطين الحكاية أكبر من صاحبك. هذي يا عمي أمريكا و"حدا بقدر يقول للغول عينك حمرا" ؟


أبو فلسطين: واشو يعني أمريكا مادام المسألة بتخص هالأرض .. لأنو يا أبو سعود "اللي بفرط بأرضه بفرط بعرضه" مش قالوا "الأرض عرض " ؟


أبو سعود: معلش لكن احنا "مش قدها" و"ليش نعمل حالنا أبو علي".

أبو فلسطين: يا حبيبي " التعوير في الوش.. مافيهوش معلش".
أبو سعود: والله اشو بدي اقول "طاسة وضايعة".


أبو فلسطين: أبداً الطاسة مش ضايعة و"خيرنا مابصير يروح لغيرنا" وهذا مش خيرنا وبس هذي أرضنا بتضيع ودمنا اللي بيسيل .


أبو سعود: لكن الصحيح احنا لازم نرضى باللي قاعدين
برتبوه النا حتى لو ضاع اشي من حقوقنا لأنه "نص العمى
ولا العمى كله" وزي ما بقول المثل :"بلا أهون من بلا
والكساح أهون من العمى ".


أبو فلسطين: شوف يا ابو سعود "لاتدير قفاك للدبابير وتقول منايا وتقادير".

أبو سعود: والله يابوفلسطين أنا معك لكن بعد اللي صار في العراق شكله "الدور علينا" و"الحبل على الجرار" والمثل بيقول "طيع لاتضيع" و"خليك على مقرودك ليجيك اقرد منه".

أبو فلسطين: والله إذا بدك تطاوع الأمريكان راح تنذل وتنهان والمثل برضه بقول " الحق الغراب بدلك على الخراب" و"هذي أمريكا وهذي بلاويها" .

أبو سعود: يا عمي "اللي ما إنت طوله لاتطاوله" و"هذا الحكي ما بجيب خبز" لكن أمريكا يمكن تجيب النا شوية خبز!

أبو فلسطين: والله "عشم ابليس في الجنة" ويا "طالب الدبس من ذيل النمس" و"إذا كنت نسيت بأذكرك" وعلى رايهم "إذا كنت نسيت اللي جرى هات الدفاتر تتقرا" وانت نفسك شفت شو عملوا في العراق و"اللي بياكل رغيف الظالم بحارب بسيفه" بتقبل تكون هيك يا بوفراس؟

أبو سعود: أنا ما بقول نتخلى عن حقنا لكن "بالتي هي أحسن".

أبو فلسطين: يا بوسعود إحنا اصحاب حق و"الطلب الهين بيضيع الحق البين" و"الحق اللي وراه مطالب مابيموتش".

أبو سعود: بس خلينا نجرب "لعل وعسى"، بعدين "زمان أول تحول" ويمكن انو أمريكا تغير من سياساتها لصالحنا هالمرة.

أبو فلسطين: والله يا ابو سعود "اللي أصله ........لازم ينبح" و"وين ما بقعد بنجس" و"اللي فيه طبع ما بغيره" وبصراحة انت باين الخوف قاتلك والخوف زي ما بقولوا "قطاع الركب".

أبو سعود: وانت لارضيت بمدريد ولا بأوسلو وإجا اللي أسخم منهم وهذي خريطة الطريق ومش عاجباك صراحة "انت مابعجبك العجب ولا الصيام في رجب".

أبو فلسطين: أنا والله بانصحك لكن الظاهر انو "اللي بينصحك زي اللي بيرصعك".

أبو سعود: على العموم " اللي بيجري على الناس بيجري علينا" والمثل بقول "حط راسك بين هالروس وقول يا قطاع الروس".

أبو فلسطين : كل اللي بدي أقوله "داوي جرحك مليح لابيدمي ولا بقيح" واحنا دوانا بها الجهاد المبارك والمقاومة بكل شارع وطريق مش بالجبن والخوف والجري ورا خرابيط الطريق !!
أبو فلسطين :ألي مكتوب على الجبين بشوفه العين يا اخوي

أبو سعود : دخلك يا أبو فلسطين اشو آخر الأخبار؟

أبو فلسطين: شو بتتوقع يعني.. "أتبدلت غزلانها بقرود".

أبو سعود: مفهمتك ؟

أبو فلسطين: يعني بصراحة أعطوهم الثقة وهم ما يستحقوها خاصة هذا اللي "أجا ونام عنا ليلة وساوى حاله من العيلة"!!

أبو سعود: مش هيك ألحكي يا أبو فلسطين والزلمة لسه "ما بنعرف خيره من شره".

أبو فلسطين: أي والله لو"حبسوه مع ابليس في كيس بطلع ابليس يستغيث" هذا "زي البرد سبب كل علة".

أبو سعود: لـه يا زلمة "الحيطان الها ودان" "احنا بنمشي الحيط الحيط وبنقول يارب السترة".


أبو فلسطين: ولليش الخوف؟ أي والله " الساكت عن الحق زي الناطق في الباطل". بعدين اشو اللي بدو يصير؟ "مابصير اكثر من اللي صار" ، والمثل بيقول "النعجة المذبوحة ما يوجعهاش السلخ"..

أبو سعود: يازلمة "مش كل اللي بنعرف بنقال".

أبو فلسطين: بصراحة يا أبو سعود "اللي بعمل حاله نخالة تنقه الجاج" واللي قاعد بصير ما بينسكت عليه..


أبو سعود: شوف يا أبو فلسطين الحكاية أكبر من صاحبك. هذي يا عمي أمريكا و"حدا بقدر يقول للغول عينك حمرا" ؟


أبو فلسطين: واشو يعني أمريكا مادام المسألة بتخص هالأرض .. لأنو يا أبو سعود "اللي بفرط بأرضه بفرط بعرضه" مش قالوا "الأرض عرض " ؟


أبو سعود: معلش لكن احنا "مش قدها" و"ليش نعمل حالنا أبو علي".

أبو فلسطين: يا حبيبي " التعوير في الوش.. مافيهوش معلش".
أبو سعود: والله اشو بدي اقول "طاسة وضايعة".


أبو فلسطين: أبداً الطاسة مش ضايعة و"خيرنا مابصير يروح لغيرنا" وهذا مش خيرنا وبس هذي أرضنا بتضيع ودمنا اللي بيسيل .


أبو سعود: لكن الصحيح احنا لازم نرضى باللي قاعدين
برتبوه النا حتى لو ضاع اشي من حقوقنا لأنه "نص العمى
ولا العمى كله" وزي ما بقول المثل :"بلا أهون من بلا
والكساح أهون من العمى ".


أبو فلسطين: شوف يا ابو سعود "لاتدير قفاك للدبابير وتقول منايا وتقادير".

أبو سعود: والله يابوفلسطين أنا معك لكن بعد اللي صار في العراق شكله "الدور علينا" و"الحبل على الجرار" والمثل بيقول "طيع لاتضيع" و"خليك على مقرودك ليجيك اقرد منه".

أبو فلسطين: والله إذا بدك تطاوع الأمريكان راح تنذل وتنهان والمثل برضه بقول " الحق الغراب بدلك على الخراب" و"هذي أمريكا وهذي بلاويها" .

أبو سعود: يا عمي "اللي ما إنت طوله لاتطاوله" و"هذا الحكي ما بجيب خبز" لكن أمريكا يمكن تجيب النا شوية خبز!

أبو فلسطين: والله "عشم ابليس في الجنة" ويا "طالب الدبس من ذيل النمس" و"إذا كنت نسيت بأذكرك" وعلى رايهم "إذا كنت نسيت اللي جرى هات الدفاتر تتقرا" وانت نفسك شفت شو عملوا في العراق و"اللي بياكل رغيف الظالم بحارب بسيفه" بتقبل تكون هيك يا بوفراس؟

أبو سعود: أنا ما بقول نتخلى عن حقنا لكن "بالتي هي أحسن".

أبو فلسطين: يا بوسعود إحنا اصحاب حق و"الطلب الهين بيضيع الحق البين" و"الحق اللي وراه مطالب مابيموتش".

أبو سعود: بس خلينا نجرب "لعل وعسى"، بعدين "زمان أول تحول" ويمكن انو أمريكا تغير من سياساتها لصالحنا هالمرة.

أبو فلسطين: والله يا ابو سعود "اللي أصله ........لازم ينبح" و"وين ما بقعد بنجس" و"اللي فيه طبع ما بغيره" وبصراحة انت باين الخوف قاتلك والخوف زي ما بقولوا "قطاع الركب".

أبو سعود: وانت لارضيت بمدريد ولا بأوسلو وإجا اللي أسخم منهم وهذي خريطة الطريق ومش عاجباك صراحة "انت مابعجبك العجب ولا الصيام في رجب".

أبو فلسطين: أنا والله بانصحك لكن الظاهر انو "اللي بينصحك زي اللي بيرصعك".

أبو سعود: على العموم " اللي بيجري على الناس بيجري علينا" والمثل بقول "حط راسك بين هالروس وقول يا قطاع الروس".

أبو فلسطين : كل اللي بدي أقوله "داوي جرحك مليح لابيدمي ولا بقيح" واحنا دوانا بها الجهاد المبارك والمقاومة بكل شارع وطريق مش بالجبن والخوف والجري ورا خرابيط الطريق !!

وهيك خلصو وكل واحد راح عدارو ,, وبعدين ما حد حكالي شو صار معهم ,,

المهم يا شباب مين راااســو مأوجعوش فيكم ؟.
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-08-2012, 12:45 PM   المشاركة رقم: 7
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي

عزيزى العضو \ الزائر لايمكنك مشاهده الروابط الا بعد الرد

كَــانْ يَـامَـا كَــانْ .. يَـا سَــادَةْ يَــا كِــرَامْ



جدتي تخرفني حكايات


عن ايام الزمانات
بتقولي كنا صغار
نلعب بشارع الاعمدة
وكنا ندبك
عالجفرة
وظريف الطول
بالمدرج وباب بالجامع

ماكانت الاعراس هيك
كنا نلبس ثواب مردنة
ونطلع
عالبيادر كنا نغني
اغاني ختياريات
ونزعك زعكات
ونرقص قدام البيادر والمدرج وبين الزيتون


كنا نطبل عالطبلة
ونرقص وإنط
ماكان في قاعات

وكنا نروح
عالحارة القديمة
كانت البيوت من حجارة
وطين

مش قرميد

يالله ماحلى ايام زمان
كانت تاتا تخرفنا حكايات
عن
جبينة
عدديسة
حميميصة
تكولي ستي
ايام الزمانات كانت قصص
وحكايات

لا كان في كمبيوترات
ولاتلفزيونات
بس كان لعب واغاني
ماكنا نروح عالمدارس
ولا المراكز
كانت فرصنا محدودة
وحياتنا بسيطة
وبس كنا مبسوطين

وبتمنالكم حياة احسن
وانتم جيل المستقبل
والحاضر احموا
هالتراث
والامانات
وحافظو عليها
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-10-2012, 09:45 AM   المشاركة رقم: 8
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي


أنا حفيدك يا سيدي ،اللي تربيت عَ ذراعك ،


وحييت عَ أخلاقك المعهوده


أنا حفيدك يا سيدي اللي شربتك مثل الندى ،


و عَ إيدك مصيت الحليب من بوز الباروده !!!


أنا حفيدك يا سيدي ، اللي ربتني ستي عَ أمجادك العاليه ،


وخطوط فدانك عَ الوطاه تلوم مشهوده


أمجادك يا سيدي بعدك ، مهما قزّموها بتتطاول ،


وبتظل في الذاكره محفوظه ومحموده


ومهما عادوا تراث شعبنا اللي مسلع بالصخر والصفاه


ومهما نصبوا أخلاقنا عَ المشانق ، بتظلها موجوده


وبنصحى عَ صرخة الحق ، من غفوة الموت ، وبنفج مثل الفجر


حتى لو بقت منيمه عَ جنبها ، وبالخوصه مملوده



أمجادك يا سيدي بتطاول الشمس ، وسيرة ذكرها عالي


بتلاقيها عَ كل شفّه ولسان ، قصه مسروده


***************


أنا حفيدك يا سيدي اللي حب الأرض مثلك ،


اللي نهل من مناهل علمك ،


اللي رجد سنين عمرك المحصوده


وخباها في خوابي وكواير قلبه ذخيره لكل جيل


مونه للعمر وسند لسنين المحل السوده


**************


آآآه يا سيدي لو تدري شو صار من بعدك أهوال ..!!!!!


الموارس خربت ، وانتشرت في المونه الدوده


وبيوت العقد اللي خابرها كوّعت ، وصارت مهدوده


والسهول اللي بقت ذخيرة العمر انزرعت فلل وقصور


وما عادت طوابير الحمير محمله بغمور القمح المرجوده


وما عادت عنا بيادر تتنافس عليها الصرابات ،


قبل ما تنمد للطرحه مفروده


وما عادت المذاري تزغلى الطرحه اللي طابت لفوق ،


كل ما طاب هواها ، مثل أيامك المعهوده


**************


قلبي تعب يا سيدي ، وامتلت جروحي قيح ،


يا مين يداوي القلب ، وينعش دقاته المكدوده


هدنا الزمن يا سيدي من بعدك ، ونشفت مدامع ستي قد ما ذرفت


ونور الصبر والأنتظار لهفه وشوق ،


وتنثورت آمال الحلم مردوده


أنا بحبك يا سيدي ، يا فارس الخيل ، ودواس عتمة الليل ،


واتمنى لو ظليت وابقى ركاب حصانك الأدهم


اتمرمغ في تراب أمجادك المعهوده


*************


أنا حفيدك يا سيدي ، اللي قص آثار مجدك عَ التلوم ،


وشاف صورة وجهك الي عَ الجهير بعدها موجوده


أنا حفيدك يا سيدي اللي ما برضى الظلم والضيم ،


وبحارب جيوش الجور اللي عَ سنين عمرك محشوده


ومثل الذيب ما بطلع من العركه مهما جرى ،


قاتل مقتول ، مهما النتيجه تبقى مقصوده


أنا حفيدك يا سيدي ، ويا ريت قدرت أحمي أمجادك اللي بادت ..!!!


اللي هرّت مثل الدمع بعد ما سادت


وما عادت أجيال بعد جيلك مولوده ..!!!


تقرأ بلهجة أهل سنجل
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-10-2012, 09:45 AM   المشاركة رقم: 9
♫ » ..Śảήḋяịℓℓą ♥

البيانات
♫ » ..Śảήḋяịℓℓą ♥ غير متواجد حالياً
التسجيل: Nov 2011
العضوية: 40
أخر تواجد [+]
عدد النقاط: 184
♫ » ..Śảήḋяịℓℓą ♥ has a spectacular aura about♫ » ..Śảήḋяịℓℓą ♥ has a spectacular aura about


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي


أنا حفيدك يا سيدي ،اللي تربيت عَ ذراعك ،


وحييت عَ أخلاقك المعهوده


أنا حفيدك يا سيدي اللي شربتك مثل الندى ،


و عَ إيدك مصيت الحليب من بوز الباروده !!!


أنا حفيدك يا سيدي ، اللي ربتني ستي عَ أمجادك العاليه ،


وخطوط فدانك عَ الوطاه تلوم مشهوده


أمجادك يا سيدي بعدك ، مهما قزّموها بتتطاول ،


وبتظل في الذاكره محفوظه ومحموده


ومهما عادوا تراث شعبنا اللي مسلع بالصخر والصفاه


ومهما نصبوا أخلاقنا عَ المشانق ، بتظلها موجوده


وبنصحى عَ صرخة الحق ، من غفوة الموت ، وبنفج مثل الفجر


حتى لو بقت منيمه عَ جنبها ، وبالخوصه مملوده


أمجادك يا سيدي بتطاول الشمس ، وسيرة ذكرها عالي


بتلاقيها عَ كل شفّه ولسان ، قصه مسروده


***************


أنا حفيدك يا سيدي اللي حب الأرض مثلك ،


اللي نهل من مناهل علمك ،


اللي رجد سنين عمرك المحصوده


وخباها في خوابي وكواير قلبه ذخيره لكل جيل


مونه للعمر وسند لسنين المحل السوده


**************


آآآه يا سيدي لو تدري شو صار من بعدك أهوال ..!!!!!


الموارس خربت ، وانتشرت في المونه الدوده


وبيوت العقد اللي خابرها كوّعت ، وصارت مهدوده


والسهول اللي بقت ذخيرة العمر انزرعت فلل وقصور


وما عادت طوابير الحمير محمله بغمور القمح المرجوده


وما عادت عنا بيادر تتنافس عليها الصرابات ،


قبل ما تنمد للطرحه مفروده


وما عادت المذاري تزغلى الطرحه اللي طابت لفوق ،


كل ما طاب هواها ، مثل أيامك المعهوده



**************


قلبي تعب يا سيدي ، وامتلت جروحي قيح ،


يا مين يداوي القلب ، وينعش دقاته المكدوده


هدنا الزمن يا سيدي من بعدك ، ونشفت مدامع ستي قد ما ذرفت


ونور الصبر والأنتظار لهفه وشوق ،


وتنثورت آمال الحلم مردوده


أنا بحبك يا سيدي ، يا فارس الخيل ، ودواس عتمة الليل ،


واتمنى لو ظليت وابقى ركاب حصانك الأدهم


اتمرمغ في تراب أمجادك المعهوده


*************


أنا حفيدك يا سيدي ، اللي قص آثار مجدك عَ التلوم ،


وشاف صورة وجهك الي عَ الجهير بعدها موجوده


أنا حفيدك يا سيدي اللي ما برضى الظلم والضيم ،


وبحارب جيوش الجور اللي عَ سنين عمرك محشوده


ومثل الذيب ما بطلع من العركه مهما جرى ،


قاتل مقتول ، مهما النتيجه تبقى مقصوده


أنا حفيدك يا سيدي ، ويا ريت قدرت أحمي أمجادك اللي بادت ..!!!


اللي هرّت مثل الدمع بعد ما سادت


وما عادت أجيال بعد جيلك مولوده ..!!!


تقرأ بلهجة أهل سنجل
















من مواضيع ♫ » ..Śảήḋяịℓℓą ♥
عرض البوم صور ♫ » ..Śảήḋяịℓℓą ♥ رد مع اقتباس
قديم 01-11-2012, 04:42 PM   المشاركة رقم: 10
MR.shady

البيانات
MR.shady غير متواجد حالياً
التسجيل: Nov 2011
العضوية: 2
الدولة: ♥ قلــب حبيبتــي ♥
أخر تواجد [+]
عدد النقاط: 267
MR.shady is a jewel in the roughMR.shady is a jewel in the roughMR.shady is a jewel in the rough


كاتب الموضوع : ♫ » ..Śảήḋяịℓℓą ♥ المنتدى : مملكة القضية الفلسطينية - قضايا - صور فلسطينية - مقالات عن اعتداءات وتشوية للقضية الفلسطينية
افتراضي

سما الخريف

يسلمو ع المشاركة الحلوة

ما ننحرم جديدك


يعطيكي العافية

احترامي
















من مواضيع MR.shady
عرض البوم صور MR.shady رد مع اقتباس
إضافة رد

الكلمات الدلالية (Tags)
مساحه, أكبرنا, ايام, خاصه, حريم, زمان, صبح, وستك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
هذه رسائل بين السطور فهل تظن أنك استوعبتها !! اسعد الله اوقاتكم بكل خير انتم الافضل أنا قلم يطول عمرى ما بين حاضرٍ وماضى أعيش فى كل زمان تجد انفاس الشوق مملكة القسم العام - حوارات عامة - مواضيع عامة - نقاشات عامة - مقالات عامة - مواضيع هادفة 8 01-06-2012 06:50 PM
صور خاصه الممثل التركي مراد علم دار نجاتي شاشماز وزوجته ساحرة الاجفان قسم مسلسلات تركية احدث المسلسلات التركية الجديدة 2017 مسلسلات تركية مدبلجة للعربية 2017 4 01-05-2012 12:44 PM
تحميل مسلسل ايام السراب-مسلسل ايام السراب-جميع حلقات مسلسل ايام السراب Just Smile قسم المسلسلات العربية 2017, تحميل مسلسلات عربيه 2017 , مسلسلات جديدة 2017 4 01-04-2012 10:25 AM
مسلسل ايام السراب 2 الحلقة 156 جاهزة للتحميل,تغطية ايام السراب 2 ,مسلسل ايام السراب 2,تحميل الحلقة 156 ,الحلقة 156 ,مسلسل ايام السراب 2 ,مشاهدة مسلسل Just Smile قسم المسلسلات العربية 2017, تحميل مسلسلات عربيه 2017 , مسلسلات جديدة 2017 3 12-21-2011 02:14 AM


الساعة الآن 11:37 AM



SEO by FiraSEO v3.2 .
Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir

هذا الموقع يستعمل منتجات MARCO1

منتدى روعه احساس -