العودة   منتديات ساحرة الأجفان > ..:: بــوح المشــآعــر ::.. > مملكة الشعر - همس القوافي - اشعار مكتوبة - قصائد متنوعة - قصائد غزل -قصائد حزن - قصائد مدح > مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة

الملاحظات

مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة مدونات الاعضاء - My PloG - مدونتي - مدونات , مدونات الاعضاء , مدونات رومانسيه - مساحه خاصه بكم , ويمنع الرد على مواضيع الاعضاء الآخرين.

| مذكّــــرات أميــــــرة خرفــــــانة |

مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة

إضافة رد
 
أدوات الموضوع إبحث في الموضوع انواع عرض الموضوع
قديم 02-02-2012, 01:34 PM   المشاركة رقم: 51
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي ـ

- في كافيتيريا جامعة الأزهر -

عزيزى العضو \ الزائر لايمكنك مشاهده الروابط الا بعد الرد


أنا طبعاً لا درست في هالجامعة ولا عمري دخلتها
ولا حتى بعرف إزا فيها كافيتيريا أو لأ
لكن مسموحلي التخيّل شوي برضو :)


كانت المرة الأولى اللي بقعد فيها أقرأ كتاب في الكافيتيريا ، عادةً بحب أقعد في المكتبة حتى يلاحظ جميع الطلاب إني مثقّف وأني لا أقرأ اللغة العربية فحسب ، بل أقرأ بالعربية والإنجليزية ولي عدة محاولات في قراءة الأدب العبري
لكل هَــ المرة غير ، الكافيتيريا طعمها غير عن المكتبة ، كل الطلاب ليسوا من اهتماماتي .. لا بد وأن أظهر اهتمامي بالثّقافة بينما هم مهتمّون بِـــ الصّياعة!
اخترت كتاباً جذبني عنوانه وأكيد حَ يجذب كل من يسقط نظره على غلاف الكتاب الذي في يدي ، اخترت "الكتابة في لحظة عريّ"
أخدني الكتاب اللي بين إيديا لعوالم أخرى غير العالم اللي حوليّا ، حتّى إني محسّيتش إنو الكرسي اللي قبالي اللي كان فاضي..بطّل فاضي ، محسيتش وقتيش هَــ البنت الحلوة قعدت قبالي
بنت أول مرة أشوفها بالجامعة ، يظهر إنها طالبة سنة أولى ، اختارت الكرسي اللي قبالي من دون كل الكراسي اللي بالكافيتيريا ، لا بدّ وأنّها معجبة فيّ ، لا لا يمكن ملقتش مكان فاضي غير هالكرسي ..
كانت تطّلّع في اللامكان .. يبدو أنها تفكّر بشيء ما .. شيئاً مهماً جداً ، يَ ترى بتفكّر بالماضي؟ ولا بالمستقبل؟ ولا لتكون بتفكّر في الإنتحار؟ نظراتها غير مفهومة .. وين سرحانة كل هاد؟
وأنا مالي؟ خلّيني في كتابي أحسن .. لتفكّر إني معجب فيها عشان هيك بطّلّع فيها! أصلو كل البنات بفكّرو هيك الله وكيلك .. إزا أجت عيني في عينها صدفة معناتو بحبّها ودايب في غرامها !

ورجعت أقرا .. بس معرفتش أكمّل .. معرفتش أركّز .. درت وجهي ع اليمين ، لمحتها من القزاز بتطلّع فيّي!
تجاهلتها .. بس مش راضية تنزّل عينها عنّي! إيش في؟؟؟
يا ترى إيش إسمها؟ إيش بدور في راسها بهاللحظة؟ ليش بتطّلع فيّي بْ هالطّريقة؟؟ ينعن أنا إيش مالها هادي!! معقولة بدها تتعرّف عليّ وبتفكّر كيف تبدا؟؟
لا يَ شيخ يمكن عجبها الكتاب ونفسها تستعيره مني بس خايفة تطلب .. لا مظنّش ، الظاهر إنها مهمومة .. يمكن حدا مهم بحياتها مريض .. يمكن أبوها! أكيد بتفكّر بأبوها المريض .. مرض .. مستشفى .. عمليات .. غرفة إنعاش .. صفارة إنذار .. تلاجة أموات .. جنازة ..
صح .. الظّاهر إنها بتفكّر بأبوها اللي مات ، زعلانة عليه كتير يَ حرام .. أكيد هادا هوّي الإشي اللي بفسّر صمتها وسرحانها ..
بس هيّ مش لابسة أسود ، ومنظرها ما بيحكي إنو عندهم جنازة هالأيام .. لا يَ شيخ يمكن طالعة من الإمتحان وكان أصعب من ما توقّعت ، يبدو إنها بنت شاطرة وزعلانة عشان ما زبّطت في امتحانها .. الظّاهر إنها بتدعي الله بسرّها عشان الدكتور يساعدها ويتغاضى عن بعض أخطاءها .. مش لازم أنا أقاطعها بنظراتي إلها .. لله في خلقه شؤون ..
درت وجهي نحو عدد من الطلاب اللي بدو يتخانقو للتّوّ وبدت أصواتهم تتعالى .. وبديت ألم أغراضي عشان أطلع من هَــ الزريبة ، وأنا بضبّ..ملقيتهاش قبالي! وين راحت؟؟ معقول لحقت تطلع؟ طب الباب قدّامي وما حدا طلع منه!
التفتت حوليّ ملقيتش حدّ .. كيف اختفت بْ هالسّرعة؟ معقول كانت مستعجلة؟ أو يمكن مكانش حدا قاعد وكل الحكاية إنو هَــ البنت من نسج خيالي؟؟

معرفتش أبداً ..




حَكَايـــا
02.02.2012
















من مواضيع h α ĸ α y α
عرض البوم صور h α ĸ α y α رد مع اقتباس
قديم 02-02-2012, 08:32 PM   المشاركة رقم: 52
pure heart

البيانات
pure heart غير متواجد حالياً
التسجيل: Jan 2012
العضوية: 187
الدولة: فـيْ قلـبُ من آإحْ ــبْ ...
أخر تواجد [+]
عدد النقاط: 90
pure heart will become famous soon enough


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

هههههههـْ ..

حكْـآإيآإ شكـْلكـْ شآإربـْة شْي لهيكـْ عمْ تتخيـْلي إنوٍ في حدآإ قبـآإلكـْ..


فعْ ـلآ قصـْة خيآإليـْة ههههـْ ممتعْة ..

إستـْمرٍي دوٍمـْآإ بالج ـٍوٍآإر.ٍ..

:152:
















من مواضيع pure heart
عرض البوم صور pure heart رد مع اقتباس
قديم 02-04-2012, 08:13 AM   المشاركة رقم: 53
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

إنت شايفها خيالية؟ :strongsad:

هيّ مش خيالية هيّ أحاديث نفس مش أكتر ولا أقل
شكراً لحضورك ..،
















من مواضيع h α ĸ α y α
عرض البوم صور h α ĸ α y α رد مع اقتباس
قديم 02-04-2012, 08:18 AM   المشاركة رقم: 54
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

عزيزى العضو \ الزائر لايمكنك مشاهده الروابط الا بعد الرد

- صدّقيني!
- مش قادرة
- طب ما إنتي كل مرة بتصدّقيني ، شو اختلف هالمرة؟
- كل مرة بجبر نفسي على إني أصدقك ، كل مرة بكزب على نفسي عشان أصدقك ،
من كتر ما بكزب على حالي بطلت قادرة أصدّقني
- أنا خايف
- ليش؟
- عشان كل مرة بكزب عليكي وبتصدّقيني ، والمرة الوحيدة اللي أكون فيها صادق معاكي ما بدك تصدّقيني
- أنا بفضّل إنك تستمر بالكزب عشان أقدر أصدقك
- طب مَــ نا بصدّقك .. ليش ما تعملي زيّي؟

- .............
- إنتي كزّابة
- صدّقتني؟



ولم يصْدُق أحدهما الآخر ،
حتى أنا لم أصدق ما كتبته ..!
















من مواضيع h α ĸ α y α
عرض البوم صور h α ĸ α y α رد مع اقتباس
قديم 02-04-2012, 09:37 AM   المشاركة رقم: 55
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

- أنا مش إمّعة ، مش نعّامة ولا طاووس -

عزيزى العضو \ الزائر لايمكنك مشاهده الروابط الا بعد الرد

علمياً النعّامة أسرع طائر ، لكن هذا لا يعني أنها الأفضل
لأنها عادةً تستخدم سرعتها في هربها من المصاعب ،
قد نصبح نحن أيضاً "نعّامات" في بعض الأحيان ، حينما نهربُ من مشاكلنا
وندفنُ رأسنا تحت وسائدنا ونجهشُ في البكاء بدلاً من أن نفكّر بطريقة عمليّة لإيجاد حلول

حتّى الطاووس ، ذلك الطائر الجميل ،
ما هو إلا "تحفة" فنية لا أكثر ،
يتعمّد إظهار محاسنه وجمال ريشه وشوفيني يَ إم سليمان
لكن إن نتفنا ريشه فلا نجد سوى جلدتين على عضمتين ، واللحمتين اللي بينهم عديمة المذاق!

أنا مبدّيش أكون نعّامة ، مش حهرب من مشاكلي ولا مسؤوليّاتي تاني ،
مش حقعد أقنع حالي إنو بكرا أحلى ، بكرا كيف حيصير أحلى إزا أنا نايمة وقاعدة بحلم؟
مبديش أخبّي عيوبي ولا ضعفي ، مبدّيش أكون نعّامة ولا طاووس .. عشان أنا مش إمّعة!
















من مواضيع h α ĸ α y α
عرض البوم صور h α ĸ α y α رد مع اقتباس
قديم 02-04-2012, 09:43 AM   المشاركة رقم: 56
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

- فيلم الحياة -


عزيزى العضو \ الزائر لايمكنك مشاهده الروابط الا بعد الرد


- باللّهِ عليك تبطّل تتفرّج ع حياتك كإنو ملكاش دور فيها!
- طب أمانة عليكي لما تعرفي شو اسم الفيلم أعطيني دور البطولة ، عشان نفسي أمثّل ..:2222[1]:



هل نحنُ من نصنع حياتنا؟
هل نحنُ من نقودها؟
لا تُجبني .. أجب نفسكْ}
















من مواضيع h α ĸ α y α
عرض البوم صور h α ĸ α y α رد مع اقتباس
قديم 02-04-2012, 09:56 AM   المشاركة رقم: 57
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

- الرّغيف ينبضُ كالقلب :127: -

عزيزى العضو \ الزائر لايمكنك مشاهده الروابط الا بعد الرد

357 صفحة جمعتها غادة السمّان من منشوراتها السابقة في مجلّتي "الأسبوع العربي" و"الحوادث"

كتبت عن قاع بيروت ، عن لُبنان المعذّب ، عن المتسوّلين والصّيادين والغانيات ،
تحدّثت عن الكادحين من أجل لقمةِ عيش ، من أجلِ رغيف الخبز ..

معاناة ومآسي أهالي لُبنان عشتها وحسّيتها أثناء قراءتي لَــ هالكتاب لإنها مكمّلة لمعاناة الشعب الفلسطيني ،
فمهما اختلفت أسماء الأوطان ، الشعب واحد والمعاناة واحدة وكلّنا في الهوى سوا يابا!
















من مواضيع h α ĸ α y α
عرض البوم صور h α ĸ α y α رد مع اقتباس
قديم 02-04-2012, 10:19 AM   المشاركة رقم: 58
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

- عايشها مزبوط؟؟ ولا عايش الدّور يَ معلم؟ -

عزيزى العضو \ الزائر لايمكنك مشاهده الروابط الا بعد الرد


سؤال كبير قدّ وشّك السِّمِح .. إنت عايشها صح؟ ولا بتمثّل علينا؟
في ناس بتعمل الصح .. أو حتى جزء من الصّح ، فبكون ردَ فعل البعض بدل من التّشجيع
" شو هادا يَ عمّي .. والله إنه عايش الدور ع الآخر"
أحياناً بتنقال من ورى ضهرهم ، وأحياناً بتنقال في وجههم ،
أحياناً يسلكون طرق مُعوجّة حتى يثبتوا إنك مش صح ، أو إنو الصح اللي عملته "ناقص"
يعني مثلاً شاف زبالة مرميّة بالشارع ، قام شالها وحطّها بمكانها
قام وقفلو واحد ماشي بالطريق - يعني ما دخل أبوه - وحطّ إيديه ع خصره وقالّه:

طب متلمّ باقي الزبالة اللي حولينا .. في هيّ هان ورقة وهيّ هناك قشرة موز!
طب وإنت وظيفتك شو؟ تحكم على الناس بس؟ طب مَــ تشغّل إيدك ولا "الكلام" صار شغلانة برضو؟

لا يا عزيزي..اسمحلي أقولك - ولو إنو مش مهم تسمحلي عشان ملكاش سلطة عليّ - :
إنك تكون زبالة..وإنت نفسك عارف هيك ، وكل الناس عارفة هيك برضو ..
هادي حرّية شخصية ، رحم الله امرئٍ عرف قدر نفسه!
لكن إنك تكون زبالة وشايف كل اللي حوليك زبالة زيّك ، ساعتها من حقي أتف بنص وجهك :)
















من مواضيع h α ĸ α y α
عرض البوم صور h α ĸ α y α رد مع اقتباس
قديم 02-04-2012, 10:40 AM   المشاركة رقم: 59
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

- Life is hard -

عزيزى العضو \ الزائر لايمكنك مشاهده الروابط الا بعد الرد

كان في سمكتين إخوات ، وحدي زرقا ، والتانية حمرا
بيوم من الأيام قرّروا يلعبوا بعيد عن فريق الأسماك تبعهم
الزرقا تسبح ، والحمرا تسبح وراها ، وقعدوا يغنّوا
" إني أتنفّس تحت الماء ، إني أغرق أغرق أغرق"
تتعالى أصواتهم ، وضحكاتهم ..
فاجأتهم شبكة صيّاد ، الزّرقا صارت تبكي وتولول ،
أما الحمرا لم ينقطع عنها الأمل رغم انقطاع كل سبل العيش بالنسبة لهما
حملهما الصيّاد بيده ، وهمّ بوضعهما في "قبر الأسماك"/ الإشي المخصّص لوضع الأسماء بعد اصطيادها
صارت السمكتان تقفزان وتتحرّكان بتمرّد .. يمين .. شمال .. ثم يمين .. فشمال ..
ضحكَ الصيّاد "الوحش" على السمكتين الصغيرتين ، كان مستمتعاً جداً ، وصار يغنّي فرحاً
لا أعرفُ لمَ تُغرينا مشاهد الجريمة والوحشية ، إننا نحب أن نشاهد مصارعة بين ثقيلي الأوزان ، أو حتى بين ثورين ، لا أعرفُ لمَ الإنسان وحشيّ لهذه الدّرجة ، هل هو حبّه للإنتقام؟ أم امتهانه للسّيادة والسّلطة؟ رغم أنها تكون ديكتاتورية على الأغلب ..
شعرت السمكتان بأنهما تفارقان الحياة عمّا قريب ، استسلمت الزرقاء للأمر الواقع وسكنت في مكانها منتظرة خروج روحها
أما الحمراء فلم تكفّ عن القفز والحركة .. تقفز .. يضحك الصيّاد .. تتحرّك .. تتمرّد .. يعلو صوت غناء الصيّاد .. حتى فجأة استطاعت القفز أخيراً إلى البحر ثانية .. فحزن الصيّاد!



















من مواضيع h α ĸ α y α
عرض البوم صور h α ĸ α y α رد مع اقتباس
قديم 02-05-2012, 08:59 AM   المشاركة رقم: 60
h α ĸ α y α

البيانات
h α ĸ α y α غير متواجد حالياً
التسجيل: Jan 2012
العضوية: 181
أخر تواجد [+]
عدد النقاط: 10
h α ĸ α y α is on a distinguished road


كاتب الموضوع : h α ĸ α y α المنتدى : مدونات , مدونات الاعضاء , مدونات رومانسيه - كتابات الاعضاء - اقلام الاعضاء - مدونتي الخاصة
افتراضي

- مشكلتي إني زوق :dasas: -

عزيزى العضو \ الزائر لايمكنك مشاهده الروابط الا بعد الرد

آآى واللهِ العظيم بحكي جد ، مشكلتي إني زوق
هادا غير إني متواضعة عزيزى العضو \ الزائر لايمكنك مشاهده الروابط الا بعد الرد
قصدي إني "أحياناً" بكون إنسان أليف للغاية ، من وين بتجيني هَــ الألفة مش عارفة
بكون عارفة اللي قبالي إنو مبحبنيش ومش طايقني وحاكي من ورايا قصص وروايات
وبيجي يسلم عليا ، وبلاقي حالي بسلم عليه!
طب مَــ نا عارفة إنك منافق وابن ستة وستين حيوان!

الغريب عاد إنو من جواتي بكون مرتاحة وبقابل ابتسامته المزيّفة بإبتسامة من قلب ،
بس بنفس الوقت بكون حاسة من جواتي إني أحسن منه بكتير .. على الأقل بقابل غيرته وغروره وكيده وبلاه بنفس طيّبة
هادا الشي بخلّيني أحس إني منافقة ، رغم إني مش هيك وأنا بمثّلش عليهم
أنا عنجد بكون مبسوطة من جواتي ومبحسش إنهم مأثرين عليّا أو مكرّهينّي الدنيا من عمايلهم ، رغم إني عارفة إنهم بيكرهوني
نفسي أقدر "دايماً" أكون زوق مع الزوق بس وزبالة مع الزبايل
نفسي لما أشوف حد مبحبّوش معاملوش منيح أبداً .. بالمرّة ..
نفسي أقولّه: أنا هيني بقولّك بوشّك ، أنا مبدّيش أغشّك .. أنا بصراحة مش طيقاك ..


بس شو نعمل عاد
مشكلتي إني زوق! عزيزى العضو \ الزائر لايمكنك مشاهده الروابط الا بعد الرد
















من مواضيع h α ĸ α y α
عرض البوم صور h α ĸ α y α رد مع اقتباس
إضافة رد

الكلمات الدلالية (Tags)
أميــــــرة, مذكّــــرات, خرفــــــانة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 07:04 PM



SEO by FiraSEO v3.2 .
Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir

هذا الموقع يستعمل منتجات MARCO1

منتدى روعه احساس -