العودة   منتديات ساحرة الأجفان > ..:: المحبــة ::.. > مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2017

الملاحظات

مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2017 مملكة الأطباق الساخنة والشعبية ,اكلات ساخنة ,حلويات ,عصائر , وجبات سريعة , مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2017

بالصور طرق تنظيف اكلات شم النسيم 2015 -خطوات تنظيف اكلات شم النسيم 2015

مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2017

إضافة رد
 
أدوات الموضوع إبحث في الموضوع انواع عرض الموضوع
قديم 04-02-2015, 05:02 AM   المشاركة رقم: 1
angle girl

البيانات
angle girl غير متواجد حالياً
التسجيل: Apr 2012
العضوية: 1045
الدولة: gين مآتروح تلقآنيـے
أخر تواجد [+]
عدد النقاط: 715
angle girl is a splendid one to beholdangle girl is a splendid one to beholdangle girl is a splendid one to beholdangle girl is a splendid one to beholdangle girl is a splendid one to beholdangle girl is a splendid one to beholdangle girl is a splendid one to behold


المنتدى : مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2017
افتراضي بالصور طرق تنظيف اكلات شم النسيم 2015 -خطوات تنظيف اكلات شم النسيم 2015



بالصور طرق تنظيف اكلات شم النسيم 2015 -خطوات تنظيف اكلات شم النسيم 2015


بنجدد عادتنا الفرعونية كل سنة مع أكل الرنجة والترمس والبيض الملون النهاردة هيكون مميز جدا بأكلاته الربيعية المملحة،
ووصفاته الجديدة المتنوعة،




عزيزى العضو \ الزائر لايمكنك مشاهده الروابط الا بعد الرد


ممكن تزيني الطبق بقشر الليمون والبقدونس

رنجة بالمسطردة
المقادير:

4 رنجات

بصلة

¼ كوب خل

¼ كوب ميه

ملح وفلفل أسود

2 ملعقة مسطردة

فلفل ملون مفروم صغير

½ حزمة شبت مفرومة


الطريقة:
1- أول حاجة هتنقعي الرنجة في ميه مغلية لمدة 2 : 3 دقائق علشان تنزل الميكروبات.

2- نظّفي الرنجة وانزعي منها السلسلة والجلد والرأس والذيل، واقسميها نصفين.

3- قطّعي البصل حلقات رفيعة ورصّيها فوق الرنجة.

4- اخلطي الخل والميه والفلفل الملوّن المفروم والشبت المفروم والفلفل الأسود والمسطرده واطبخيهم على النار لمدة 6 : 8 دقائق.

5- سيبي الخليط ده يبرد وصبّيه على الرنجة وغطّيها وحطيها في الثلاجة مدة كافية علشان الرنجة تتشرّب الصوص، وبالهنا والشفا.


*******************

عزيزى العضو \ الزائر لايمكنك مشاهده الروابط الا بعد الرد


عند التقديم صبّي الكريمة على الرنجة


رنجة بالكريمة
المقادير:
4 رنجات
2 بصل
ليمونة
½ كوب زيت
كوب كريمة طهي
ملعقة صغيرة سكر
¾ كوب عصير ليمون

الطريقة:
1- انقعي الرنجة في ميه مغلية لمدة 2 : 3 دقائق، وبعدين نظّفيها واخليها.

2- اقسمي الرنجة نصفين وحطّيهم في قالب عميق، وحطّي بينهم شرائح رفيعة من البصل وشرائح الليمون.

3- اخلطي عصير 3 ليمونات مع السكر والزيت وصبّيهم على الرنجة.

4- غطّي الرنجة وحطّيها في الثلاجة لمدة نصف يوم أو يوم كامل.

5- طلّعيها من الثلاجة وصفّيها من السائل، وبعدين خدي 4 ملاعق كبيرة من السائل ده واخلطيه مع الكريمة.

6- عند التقديم صبّي الكريمة على شرائح الرنجة وزينيها بالبقدونس.. وبالهنا والشفا.


*******************



عزيزى العضو \ الزائر لايمكنك مشاهده الروابط الا بعد الرد


رصّي الرنجة مع البصل والجزر وصبّي عليهم الخليط


رنجة بالخل والسكر
المقادير:
4 رنجات
كوب خل
كوب سكر
2 ثمرة جزر
بصلة صغيرة
1 و½ كوب ميه
فلفل أسود وأبيض
2 ملعقة صغيرة مسطردة

الطريقة:
1- انقعي الرنجة في ميه مغلية لمدة 2 : 3 دقائق، وممكن تنقعيها في لبن علشان تتخلصي من الملح الزيادة.

2- نضّفيها واخليها بس سيبي الجلد فيها وقطّعيها لشرائح رفيعة.

3- اخلطي الميه والسكر والخل والمسطردة والفلفل، وحطّيه على النار لحد ما يغلي، وبعدين ارفعيه وسيبيه يبرد.

4- رصّي الرنجة وحلقات البصل والجزر في قالب وصبّي عليهم الخليط، بحيث إنه يغطي الرنجة كلها.

5- سيبي الرنجة في الثلاجة مدة كافية لحد ما تتشرّب من الخليط كويس، وقدّميها.. بالهنا والشفا.


*******************


عزيزى العضو \ الزائر لايمكنك مشاهده الروابط الا بعد الرد


صبّي الصوص على السلطة


سلطة الرنجة
المقادير:
2 ثمرة جزر
2 ثمرة بنجر
خيار مخلل
فلفل أبيض
حبة بصل صغيرة
رنجة متوسطة مخلية
2 ثمرة بطاطس متوسطة

لعمل الصوص:
كوب كريمة أو زبادي
ملعقة عصير ليمون
2 ملعقة عصير بنجر
سكر
ملح

الطريقة:
1- اسلقي البطاطس والجزر في حلة، واسلقي البنجر في حلة تانية.

2- قشّريهم وقطّعيهم مكعبات أو أي شكل تحبيه، ومعاهم البصل والخيار المخلل والرنجة واخلطيهم مع بعض.

3- اخلطي مكونات الصوص كويس وصبّيها على السلطة، وحطّي عليها مكعبات البنجر قبل التقديم على طول.. وبالهنا والشفا.


*******************


عزيزى العضو \ الزائر لايمكنك مشاهده الروابط الا بعد الرد


ممكن تقدّمي معاه عيش محمص


معجون الرنجة
المقادير:
كيلو رنجة
½ كوب طحينة
3 ثمرات طماطم
2 فلفل حامي
كمون وشطة
عصير ليمون
بصلة صغيرة
زيت وخل

الطريقة:
1- اسلقي الرنجة في ميه مغلية لمدة 2 : 3 دقيقة علشان تقتلي الميكروبات والبكتيريا.

2- نضّفيها وانزعي منها الشوك والجلد واخليها تماما وقطّعيها قطع صغيرة.

3- قطّعي عليها البصل والطماطم والفلفل وحطّي معاهم الطحينة والخل والكمون والشطة واضربيهم في الخلاط.

4- هيطلع معاكِ معجون رنجة وعند التقديم حطي عليه زيت وعصير ليمون، وقدّمي معاه عيش محمص.. وبالهنا والشفا.

ملحوظة:
ممكن تحطّي معاها البطارخ، وممكن تعملي البطارخ بالطريقة دي لوحدها من غير رنجة.


*******************


عزيزى العضو \ الزائر لايمكنك مشاهده الروابط الا بعد الرد


عند التقديم حطّي له ملح وكمون وشطة وليمون


بعد ما خلصنا وصفات الرنجة، هنعرف مع بعض إزاي نحضّر الترمس وحمص الشام..

الترمس
كل اللي عليكِ إنك تشتري الترمس من عند أي عطار، بس خلّي بالك، لأن فيه نوعين من الترمس؛ نوع بلدى ونوع مستورد، والطريقة واحدة في الاتنين بس بتفرق في المدة اللي هيحتاج إنه يتنقع فيها، لأن البلدي بياخد وقت أطول، علشان كده يفضّل إنك تستخدمي المستورد علشان ما ياخدش وقت، ودي طريقته..

1- هتجيبي الترمس وتغسليه كويس، وتنقعيه في الميه لمدة 12 ساعة.

3- بعد كده حطّيه في ميه على النار وسيبيه يستوي لمدة ربع ساعة، أو لغاية ما القشرة تستوي، وبعد كده صفّيه من الميه بتاعته واشطفيه كويس، وملّحيه، وسيبيه لمدة 3 : 4 ساعات وبعد كده قدّميه.

4- عند التقديم، حطّي له خلطة من الملح والكمون والشطة والليمون.. وبالهنا والشفا.


*******************


عزيزى العضو \ الزائر لايمكنك مشاهده الروابط الا بعد الرد


قدّمي عصير ليمون مع حمص الشام


حمص الشام
المقادير:
½ كيلو حمص
كمون وملح وشطة
5 ثمرات طماطم مبشورة
3 فصوص ثوم مفرومين
بصلة صغيرة
ليمون

الطريقة:
1- اغسلي الحمص كويس وانقعيه في الميه لمدة من 8 : 10 ساعات علشان يبقى أسهل في التسوية.

2- اغلي ميه وحطّي فيها الحمص ومعاها الثوم المفروم والطماطم المبشورة والبصل المبشور.

3- سيبيه على نار هادية لمدة نصف ساعة، ولما تحسّي إنه دخل في السوى، حطّي عليه ملح وكمون وشطة، وعند التقديم حطّي عليه عصير ليمون.. وبالهنا والشفا.





نتمنى لكم جميعا يوم سعيد،،،
















من مواضيع angle girl
عرض البوم صور angle girl رد مع اقتباس
قديم 04-02-2015, 05:19 PM   المشاركة رقم: 2
ĄĐM̲ήt»7̴βk

البيانات
ĄĐM̲ήt»7̴βk غير متواجد حالياً
التسجيل: Jul 2012
العضوية: 1841
الدولة: هناك
أخر تواجد [+]
عدد النقاط: 442
ĄĐM̲ήt»7̴βk is just really niceĄĐM̲ήt»7̴βk is just really niceĄĐM̲ήt»7̴βk is just really niceĄĐM̲ήt»7̴βk is just really niceĄĐM̲ήt»7̴βk is just really nice


كاتب الموضوع : angle girl المنتدى : مملكة الأطباق الساخنة والشعبية - اكلات ساخنة - حلويات - عصائر - وجبات سريعة 2017
افتراضي

يسلمو على الطرح


كل الاحترام
















من مواضيع ĄĐM̲ήt»7̴βk
عرض البوم صور ĄĐM̲ήt»7̴βk رد مع اقتباس
إضافة رد

الكلمات الدلالية (Tags)
-خطوات, 2015, الوسيم, اكلات, بالصور, تنظيف, صم, طرق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 02:06 PM



SEO by FiraSEO v3.2 .
Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir

هذا الموقع يستعمل منتجات MARCO1

منتدى روعه احساس -